NCWM Member-in Aizawl khawpuia Hmeichhe enkawlna hmunte a tlawh

National Commission for Women (NCWM) member Rekha Sharma chu Aizawlah a chám mek a; nimin khan Mizoram State Commission for Women (MSCW) pisa, Crime Against Women Cell leh Protective Home a tlawh a, March 21, 2017 tlai khan Central Jail-a hmeichhe tángte dahna pindante a tlawh.

MSCW pisa a fan zawhah Rekha Sharma hian Mizorama hmeichhe tlawmngai pawl hrang hrang - MHIP, Mizo Hmeichhe Ṭangrual Pawl, All Women’s Federation, Panchayat Mahila Shakti Abhiyan leh Young Women’s Christian Association (YWCA) hruaitute a kâwm a; pawh hrang hrangte chuan Mizoram hmeichhiate dinhmun chawikan leh siamṭhatna kawngah hna an thawh dan leh an mamawhte an thlen.

Central Jail a tlawh­naah Rekha Sharma chuan an dinhmunte a zawt a; táng hmeichhiate chu enkawl uluk bik an ngaihna tam tak a awm thu sawiin, jail enkawltute chu ṭan la zual turin a hrilh. Hmeichhe tángte'n enkawlna ṭha zawk an dawn theihna tura hmalak ngaihnate leh harsatna awmte chu a hnena thlen turin Central Jail hotute a chah bawk.

Centrail Jail hotute tarlan danin, Central Jail-ah hian hmeichhia táng 69 leh nausen pali an awm mek a ni.

Rekha Sharma hi MSCW Member sec­retary Lalbiakkimi leh member pahnih - Dr Lalrindiki Fanai leh Sylvie Z.Ralte-te'n an ṭawiawm a ni.