Mi 82 hnenah chhawmdawlna pe tawh

Law & Judicial mi­nis­ter Lalsawta chuan, Mizoram Victims of Crime Compensation Scheme, 2011 hnuaiah mi 82 hnenah chhawmdawl­na pek a nih tawh thu, MNF member Dr K Bei­chhua zawhna chhangin House a hrilh.

Lalsawta chuan, Mi­zo­ram Victims of Crime Compensation Scheme hnuaiah thil sual tihnaa a tuartu emaw, a tuartua innghat emawte'n dan an zawm chauhin chhawm­dawlna an dawng thei tih sawiin, "Chhawmdawlna dawng tur hi BPL chhung­kua an nih a ngai. Thil sual tih tuartu emaw chhawmdawlna diltu chuan police station hnai ber OC hnenah emaw, magistrate hnenah emaw, judicial magistrate, an biala mi hnenah an inhriattir tur a ni," a ti.