Loan bá vbc. 6407.39 a awm

Finance minister Lalsawta chuan MNF mem­ber Lalruatkima zawh­na ziaka chhangin, finance account hnuhnung ber (31.3.2016) thlengin Mizo­ram sorkarin loan hrang hrang bá cheng vbc. 6407.39 a nei.

Finance Minister tarlan danin, kum 2015-16 chhungin Mizoram sorkar­in loan a pûk cheng vbc. 2229.60 a rûl hman a, cheng vbc. 6407.39 a la bá a ni. Loan pûkte hi 8% - 9.5% inkara pungte a ni hlawm a, kum 25, kum 10, kum 7 leh kum 5 chhunga rulh zawh turte a ni.

Lalsawta chuan, loan an lâkte reng reng chu ram hmasawnna hna thawhna tura lak a nih thu a tarlang.