AIFF League Comtt. Dy. Chairman Lalnghinglova Hmar

All India Football Federation (AIFF) Executive Committee chu nimin khan AIFF Headquarters, New Delhi-ah an ṭhukhawm a; AIFF hnuaia committee péng hrang hrang hruaitu ruatin, MFA honorary secretary Lalnghinglova (Tetea) Hmar chu League Committee deputy chairman atan an ruat.

AIFF hnuaia League Committee hian India ram chhunga football league hrang hrang an kaihruai dawn a, an thuneihna hnuaiah I-League, Indian Super League leh age level-a league zawng zawngte pawh an awm vek dawn a ni.

League Committee-ah hian AIFF vice president ni lai Subrata Dutta chu chairman a ni a; member-te chu - IMG Reliance Football Operations manager Rochak Langer, Reliance Sports Division general manager Chirag Tanna, Western India Football secretary Souter Vaz, Sikkim Football Association president BK Roka leh Kerala Football Association secretary Anil Kumar te an ni.