CCS Hindi zirtirtute'n chaw nghei

Mizoram CSS Hindi Teacher Association (MCHTA) chuan Mizo­ram sorkara an thil phût nawr nan March 22, 2017 aṭang khan Chief Minister bangla luhna gate bulah sit-in demonstration neiin, chaw an nghei a; chaw nghei zinga mi pahnih chu damdawi-inah lak an ni tawha thu dawn a ni.

MCHTA hruaitute chuan, CSS hnuaia Hindi zirtirtute Mizoram sorkar hnuaia dah ngheh an phûtna sorkarin a tihhlawhtlin hma chuan CMO pisa bula an punkhawmna chu bànsan an tum lo tih an sawi a; an harsatna chungchang chu MLA-te leh School Education department hotute lehkhain an hriattir vek tawh tih an sawi bawk.

MCHTA member-te hian sit-in demonstration an neih mai bakah, chaw an nghei nghal a; chaw nghei zinga mi pakhat chu nimin chawhma lam khan damdawi-inah lak a ni a, nimin tlai lam khan mi dang pakhat an dah lut leh nia thu dawn a ni.

MCHTA hotute chuan, a hun taka hlawh an lak theih ṭhin loh vanga inenkawlna nei loh avangin CSS Hindi zirtirtu mi 17 an thi tawh niin an sawi.