Covid-19 No Tolerance Drive kalphung (December 1, 2020 - January 10, 2021)

- District khawpuiah zan dar 8 aṭanga zing dar 4:30 inkar curfew a ni a, vantlang hmunah mi 5 aia tam awm khawm phal a ni lo.

-    Zirna-in zawng zawng khâr zel tur a ni. Online hmangin zirna kalpui theih a ni a, zirtirtute ráwn tura sikula kal phal a ni lo.

-    Dawr leh sumdawnna hmunte an inhawn phal a ni a, damdawi dawr tiam loin tlai dar 5 hmain khâr vek tur. 

-    Sakhaw hmunah punkhawmna huaihawt phal a ni lo; biak-ina zing ṭawngṭai inkhawmah mi 35 aia tam lo tel theih a ni. 

-    Mitthi vuina leh inneihnaah mi 35 aia tam punkhawm loh tur.

-    Krismas leh kumthar hunpui laiin sorkar programme pawimawh bik tih loh mipui hîp thei programme huaihawt khap a ni.

-    Games & sport practice phal a ni; indoor-ah mi 10 aia tam lo, outdoor-ah mi 25 aia tam lo.

-    Cinema hall, auditorium, commu­nity hall, swimming pool, gym, spa, picnic spot leh intàwllênna hmun dangte khâr tur.

-    Loh theih loh thila mipui pun­khawm (kohhran programme leh páwl thila kalkhawmna, adt.) a ṭul a nih chuan punkhawmna tur hmuna leng zat (capacity) aṭanga 50% aia tam loin punkhawm theih a ni a, mi 35 aia tam phal a ni lo.

-    No Tolerance Drive chhungin Aizawlah Traffic No Tolerance hman nghal tur a ni.

-    December thla chhung lirthei registration kawp kim leh kawp kim lote intlân chhâwk tur.

-    Thawhṭanni, Nilaini leh Zirtawpni-ahte even number (0, 2, 4, 6, 8)-a tàwpte an tlan ang a, Thawhlehni, Ningani leh Inrinniah odd number (1, 3, 5, 7, 9)-a tawpte an tlan ang.

-    January 2021-ah chuan lirthei intlan chhâwk dan hi thlâkthleng a ni ang. 

-    Intlan chhawkin zing dar 9 aṭanga tlai dar 4:30 inkar a huam.

-    Pathianniah lirthei tlân chhuah phal a ni lo.

- Intlan chhâwk leh Pathiannia tlan phal lohin a huam lohte:

    i)     Covid-19 duty sorkar hnathawk, Health department hnuaia volunteer leh task force

    ii)     DMR, FCSCA, Home (Police, Home Guards & Civil Defence, Fire & Emergency Services, Prisons, Forensic), HFW, IPR leh PWD/PHE/ P&E/ DC/ AMC pisaa sorkar hnathawk emergency duty-te leh essential service-a thawk

    iii)     Ambulance leh medical/ veterinary emergency motor

    iv)     Damdawi-ina thawkte lirthei

    v)     Court-a thawkte lirthei

    vi)     Print & electronic media-a thawk duty-te lirthei

    vii)     Kohhran hminga motor register

    viii)     Bawlhhlawh paih leh bawnghnute semte lirthei

    ix)     Aizawl leh khaw dang inkara maxicab leh bus service

    x)     Dam lohna (medical emergency) leh chhiat tawh thila chhungkhat laina hnai zuala kal ngai, task force hriatpuina neite