RD Minister-in hmalakna tur a en

Rural Development minister Lal­ruat­kima chuan Inrinni khan Serchhipa Block Development Office (BDO) hmunhma leh BDO staff quarters sakna tur hmunte a en.

Lalruatkima hian Leisekawt Field laih zauh vanga BDO quarters leh a chhehvela retaining wall siam ngaite a en a, "Retaining wall hi tun ṭhál chhung ngeia siam a ṭha. Field zauhna atana laih zàwl thar pawh ṭha taka hunga awmze neia hman ṭangkai a ṭul," a ti.

BDO staff quarters thar panga sakna tur hmun a tlawhnaah Minister chuan, "Quarters sakna tur sumte neih vek tawh a ni," a ti a, hna thawh ṭan thuai a nih tur thu a sawi.