Larsap hoin central scheme sawiho

Governor Dr Hari Babu Kambham­pati chuan nimin khan Kolasib district a tlawh a, DC conference hall-ah sorkar hotute nen sorkar laipui scheme kalpui dan an sawiho.

Hari Babu Kambhampati chuan, Kolasib district-a rél kawng siam mek leh NH kawngpui four lane tura ruahmante chuan hmasawnna nasa tak a thlen tur thu a sawi a, "Zo fate tan leh state páwn mite tan pawh inlaichìnna ṭha a thlen ka beisei a, Mizoram tan hmasawnna hmel thar a thlen ngei ka ring," a ti.