Incheina mawi ber chu thawhrimna a ni - Agri Minister

Agriculture minister C Lalrinsanga chuan nimin khan SAMETI conference hall-ah ni 45 awh tur Training on Agri-clinics and Agri-business Centers scheme a hawng. Minister chuan, ram dinchhuahna atana incheina mawi ber chu thawhrimna a nih thu a sawi.

C Lalrinsanga chuan, ṭhalai zingah intodelh pawimawhzia hria an pung zel tih sawiin, "Hei hian kan economy chawi sàn kawngah hmasawnin min siam ngei ang. Ram dinchhuah nana incheina mawi ber chu thawhrimna a ni a, thiamna hi eizawnnaa chantir leh pawisaa chantir chu he scheme-in a tum pakhat a ni," a ti.

Training hi SAMETI, Mizoram leh National Institute of Agriculture Extension Management, Hyderabad buatsaih a ni.