Bomb puak vangin mi pakhat thi

Nimin zing dar 7:30 vel khan New Champhai kâwna Zodailova Kawlni in chung berah bomb a puak a, Zodailova nupui K Lalzawmpuii (55) a thi.

Champhai aṭanga Vanglaini thu dawn danin, bomb puahna pindanah hian lighter leh bomb fuse hmuh a nih avangin gelatin a nia rin a ni a, thi ta Lalzawmpuii chu rilru lama harsatna nei a ni. A pasal zin chhuah lai a nih avangin inah amah chauhin a awm a, bomb pawh ama tihpuah a nih rin a ni.