Zirlai chawimawina minister-in hmanpui

Minister of state Lalruatkima chuan nimin khan a bial chhunga sikul, Hermon School-in an zirlai ti ṭha chawimawina Vanapa Hall-a an buatsaih a hmanpui a, zirlaite chu an thil tumah chiang a, chhawr tura inzir turin a chah.

Lalruatkima chuan, central service-ah Mizo tling zo an awm meuh lo chu pawi a tih thu sawiin chuan, "Tumruhna neia mahni state chauh ni lo, state dang thlenga rorel phaa awm a ṭul. State ṭhenawmahte chuan central service leh central sorkara office pawimawhah kum tin an lut a, nakin lawkah kan state ngeiah pawh sorkar office-ah hotu lian nihna an la rawn chelh fur thei dawn a ni," a ti a, hnam anga ṭan lak a ṭul thu a sawi.

Hermon School hian kumin HSLC leh HSSLC-ah distinction-a pass mi pathum ve ve an nei a ni.