Punkhawmna hmuna zawm tur siam
Health & Family Welfare department chuan mipui punkhawmna hmuna Covid-19 inkài darh a nih lohna atan zawm tur kaihhruaina a tichhuak a, "Inneihna, páwl thila inhmuhkhawmna, Pathian biaa inkhawmna leh mipui punkhawmna function neihna hmunahte Covid-19 inkài darh a nih loh nan social distancing leh invènna dangte kenkawh a ṭul tak zet," a ti.
Health department chuan, kum 65 chung lam, co-morbidity (natna khirh/ inkai chhàwn awl pakhat aia tam vei kawp) nei te, nau pái laite leh naupang kum 10 hnuai lamte chu ṭul bik thil leh hriselna chungchang vanga chhuah ngai a nih loh chuan ina awm turin thurâwn an pe bawk.
Punkhawmna hmuna zawm tur
- Luhnaah kut tihfaina (sanitizer dispenser) leh khawsik enna dah ngei tur.
- Natna kái àwma lang lote chauh luhtir tur
a ni.
- Hmai tuamna vuahte chauh luhtir tur a ni.
- Covid-19 laka him theihna tura siam poster/standee/AV media-te langsar deuha târ tur.
- A theih chin chinah kal khawmte chu ṭhen darh tur a ni.
- Motor park-na leh punkhawmna hmun/sakhaw biakna hmun/hall, etc. kawtahte mipui che vel mumal taka kaihhruai tur a ni a, social distancing dan zamte zawm vek tur.
- Ei/in tur siam emaw, sem emaw a ngai a nih chuan a theih chin chinah mimal ei tur fûn fel sa thlapa sem tur a ni a, plate/no/fian etc. inṭâwm tura ruahman loh tur. Ei/in siam lai leh ei/in laiin engtik lai pawhin social distancing zawm tur a ni.
- Social distancing vawn ṭhat a nih theih nan punkhawmna hmun/sakhaw biakna hmun/hall etc. chhehvelah intlar a ngaih chuan dan anga ruahman sa dinna tur bik chhinchhiahna siam ṭhin tur.
- Luhna leh chhuahna a hrana siam tur a ni.
- Punkhawmna hmun/sakhaw biakna hmun/hall, etc. luh dawnah a tlem berah ft. 6 aia hnai loa indawta intlar ṭhin tur.
- Punkhawmna hmun luh dawnah kut leh kê (pheikhawk phelh a ngai a nih chuan) fai takin an sil tur a ni.
- Social distancing vawn a nih theih dan ber turin ṭhut dan ruahman tur a ni.
- Punkhawmna hmun/sakhaw biakna hmun chhung leh a chhehvela lehkhabu, milim, lehkhabu thianghlim etc. khawih loh tur.
- Hmun khata mipui tam tak inhâwr khawm hap tur a ni.
- Inkài chhàwn a awm zel loh nan hla sak leh zaipawl zaite phal a ni lo a; amaherawhchu, hla emaw rimawi thun sa (pre-recorded)-te chu tihrik phal a ni ang.
- Taksa insia chibai inbûk loh tur a ni.
- Coupon leh pawisa inhlan bakah, sakhuana hmuna thilpek inhlan leh puithiam/ rawngbawltute hnen aṭanga thilpek dawn ang chite tih loh tur.
- Mipui pungkhawm leh a hmun enkawlte hman hnu mask leh kutkawrte fimkhur taka tihral tur a ni.