Police-a hriattir turin ngen

Mizoram Police chuan thuchhuah siamin, lirthei rûi chunga khalh leh hlauhawm taka khalh hmu leh hriate chu police-a hriattir nghal turin mipui an ngen.

Police thuchhuah chuan, "District police leh traffic police officer-te'n mahni area leh school/college-ahte awareness campaign an lo pek tawh angin, rûi chunga lirthei khalh te, hlauhawm taka lirthei khalh te, thil sual tilai an hriat te, passenger leh mi tu pawhin an telephone/mobile emaw SMS/Whatsapp emaw hmanga motor number leh an pan lam te, thil pawi khawih an nih chuan an khawihna hmunte hriattir vat tura ngen an ni," a ti.

Police hriattirna tur phone number-te chu - 9436146592 - DIG(NR); 9436140735 - DIG(SR) leh 9436146931 - SP Traffic-te a ni.