CM Zorama pian champha

Nimin kha chief minister Zoramthanga pian champha, kum 76 a tlinna ní a ni a, mi langsar tak takte'n lawmpuina an hlân. Governor PS Sreedharan Pillai chuan duhsakna hlànin, "Politician hlun leh hlawhtling a ni a, remna leh muanna tihlawhtlingtu a ni," a ti.

Chief minister hlui Lal Thanhawla chuan, hlim tak leh hrisel taka dam reng tur leh hma lam hunah hlawhtlinna duhawm tak nei a, Mizoram tana a thil tumte tihlawhtling turin duhsakna a hlân a; nimina Cabinet meeting-ah minister dangte'n birthday cake an pe bawk.

CM Zoramthanga lawmpuina hlantute zingah hian Arunachal chief minister Pema Khandu, Manipur CM N Biren Singh, Meghalaya CM Conrad Sangma, Nagaland CM Neiphiu Rio, Tripura CM Biplab Kumar Deb te, sorkar laipuia minister Nitin Gadkari, Dr Jitendra Singh, Gajendra Singh Shekhawat, Hardeep Singh Puri leh Renuka Singh te, Assam Health minister Himanta Biswa Sarma leh hmarchhak state-a minister ṭhenkhatte pawh an tel a ni.