Lawngtlaiah Cultural Festival

Nehru Yuva Kendra (NYK), Lawngtlai hnuai­a Youth Development Association (YDA) chuan March 24, 2017 khan Lawngtlaia CYLA Hall-ah Lawngtlai District Level Cultural Festival (Solo Competition) an buatsaih. Ṭhalai pawl hna thawk ṭha Chawnhu branch YLA hnenah district level Outstanding Youth Club Award hlan nghal a ni a, award hian Rs. 25,000 a keng.

Zai intihsiaknaah hian YLA sub-headquarters leh branch aiawhin mi pariat an tel a, hla pahnih hmangin an intihsiak. N Lal­hmangaihropuii, Bung­tlang South pakhatna a ni a; KC Rem­ruatpuia, Lawng­tlai Bethel Veng leh Melody Kumsangmawii Chhangte, Lawngtlai Chandmary-te pahnihna leh pathumna an ni.