MPC ṭhalaiin Hindi zirtirtute thlâwp

MPC party ṭhalaite chuan thuchhuah siamin, Centrally sponsored scheme (CSS) hnuaia Hindi zirtirtute'n thla ruk hlawh pe thuai tur leh sorkara dah nghet tura sorkar phûta chaw an nghei mek chu âwm an tihpui a, an thlawp tlat thu an tarlang.

MPCY chuan, "Khua leh tuite'n harsatna kan neih sukiang tura nawr chawp ngai reng Congress sorkar kan hrawn hi a vanduaithlak kan ti hle a ni," an ti a; chief minister Lalthanhawla’n CSS Hindi zirtirtute kawhmawh báwla a puh leh an chungchang ngaihtuah zui tlak loa a ngaih thu a sawi chu ram pa ber dinhmun chang tlak a nih tawh lohzia a tihlannaa an ngaih thu an sawi.

MPC ṭhalaite chuan, Chief Minister chu chhuanlam dang siam tawh loa CSS Hindi zirtirtute thil phût a rang thei ang bera tihhlawhtlinsak turin an phût tih an tarlang a ni.