Thli tlehin hmun hrang hrangah chhiatna a thlen

March 25, 2017 chhuna thli tleh vangin Mizoram hmun ṭhenkhatah chhiatna a thleng a, in tihchhiat a awm nual bakah, hmun eng emaw zatah in a tihchhiat bakah, hmun tam takah thing kûng a nuai thlu.

Champhai district-a Tlangsam khuaah chuan thli tlein Presbyterian English School building a lên chhia a, sikul bang a len chhiat bakah a chung a la a ni. Champhai Tlangsam vekah hian Thangkhanenga in chung leh Rualneihkhuma in chung a phawk bawk.

Mamit district-a Bawngva khuaah Zai­remmawia in a tichhia a, in bula hmáwng tluin in hnuai­a an vawk a delh hlum. West Phailengah pawh in chung chhia a awm nual bawk a ni.