MLA-in quarantine facility a tlawh

Lunglei North bialtu MLA Dr Vanlalṭanpuia chuan nimin khan a bial chhunga Covid-19 qua­rantine facility-te a tlawh a, an dinhmun leh harsatnate a enfiah.

Dr Vanlalṭanpuia chuan, Lung­lei district-a Covid-19 vei hmuh chhuah hmasak ber enkawl tura inpe frontline worker - medical team, official leh security-te inpekna fakin, a chhuan tak zet thu a sawi a; Dedicated Covid Health Centre hnenah PPE set 20 a pe nghal.

Lunglei North Bialtu MLA hian a bial chhung - Pûkpui, Zotlang, Serkawn leh Zohnuai task force-te pawh a tlawh a, Covid-19 hripui chu khawvel pumpuiin a manganpui laiin, Mizoramah chuan mi tlawmngai leh thawh hreh nei lo task force-te an awm chu a vanneihthlak thu a sawi a ni.