MP-in Aizawl DDK a tlawh

Lok Sabha MP C Lalrosanga chuan nimin khan Doordarshan Kendra, Aizawl a tlawh a, thawktute nen inkâwmin, programme thar siam zel turin a chah.

C Lalrosanga chuan, DDK programme-te antenna hmanga man theihna tihtawp a nih chungchangah, Mizorama hmun kilkhawr zawk leh ramri hrul hmunahte an programme man theih tura siam ni se a duh thu a sawi a, "Mizoram páwna thlirtu tam zawkte pawhin DTH leh cable hmanga Doordarshan Mizo programme an lo thlir theihna tura hmalak thar a ṭul," a ti a; DDK thawktute harsatna leh mamawhte chu an hotute hnena thlen a tum thu a sawi bawk.