Siahaah Green Mizoram Day hman a ni

Siaha District Playground-ah nimin khan Green Mizoram Day hman a ni a, Mara Autonomous District Council (MADC) chairman N Viakhu-a'n a hawng.

Green Mizoram Day hmannaah hian kum 2021-22 chhunga kângmei véng ṭha ber khua Amobyu-B hnenah Rs 50,000 leh kângmei chungchang mipui zirtir ṭha ber chanchinbu Maraland hnenah Rs 3,000 hlan a ni a; inkhawm zawhah sorkar pisa hrang hranga thawkte'n Siaha-Tipi Ferry kawng leh Siaha-Tisopi inkar kawngah thing an phun a ni.

Green Mizoram Day hi June 11 a ni a, kuminah Inrinni a nih avangin Mizoram hmun dangah chuan vawiin hian hman a ni dawn a, Aizawlah chuan New Capital Complex-ah chief minister Zoramthanga hoin hman a ni ang.