Naupang himna chungchang sawiho

Lawngtlai additional DC James Miahlung hoin nimin khan a pisaah sorkar hotute'n naupangte himna leh Covid-19 vanga harsatna tâwk naupangte chhawmdawlna chungchang an sawiho.

District Child Protection Unit (DCPU), ICDS District Programme Office leh BDO aiawh te, DC pisa lama mite leh IPR oficer-te an tel a; October 2021-a District Child Protection Committee (DCPC) hmachhawp bawhzui dan thlirhoin, mipui huap kim zawka inzirtirna kalpui chhunzawm an rél a, social media hmanga uar zawka mipui zirtirna thehdarh an rêl bawk.

Supreme Court-in Covid-19 vanga nu emaw, pa emaw, an pahnih emawa chán naupangte chhawmdawlna tur thupek a siam leh harsatna dang vanga naupang zirna chawlhsante'n zirna an chhunzawm leh theihna tur chungchang sawiho a ni.

Ṭhutkhawma tarlan danin, April 2019 aṭanga October 27, 2021 chhung khan Lawngtlai district-ah naupang laka mipat hmeichhiatna lam hawia pawi khawihna, POCSO Act hnuaiah thubuai 30 a awm a; October 27, 2021 aṭanga nimin thlengin POSCO case paruk ziah luh belh a ni bawk.