Chhe vek anga insawi a dik lo - Lalruatkima

MNF adviser Lalruatkima, minister of state chuan, Mizote - hnam ang leh sorkar angtea chhe ta vek ang hiala social media vela sawi ṭhin chu a dik lo niin a sawi.

Lalruatkima hian nimin khan MNYF Aizawl West-II political training-ah thu sawiin, "Social media lamahte mi ṭhenkhatin kan ram chhe ta lutuk anga an ziak fo mai hi zirtirna dik tâwk lo a ni. Kan ramah hian thil ṭha tam tak a thleng mek a, a thleng zel bawk ang. Sorkar, kohhran leh mipuite hi kawng hrang hrangah kan ṭha em em a, insiamṭhatna tur thil ṭhenkhat erawh chu kan nei tlang tih erawh zep thu a awm lo," a ti.