NIAS fake a ni lo - CM Hawla

Chief minister Lal Thanhawla chuan, Nalanda Institute of Advance Studies (NIAS), Kolkata chu fake institution a nih loh thu nimin khan Assembly session-ah a sawi.

Opposition group leader Vanlalzawma zawhna kal zelah Chief Minister chuan, "NIAS an tih hi dik lo takin a ri hluai a, kan chian a, fake a ni lo. A fake lo tih mipuiin hria se, zirna in ṭha tak chu a ni lo mai thei," a ti.

Session-ah hian Speaker phalnain Mizoram Youth Commission (MYC) chairman hlui T Sangkunga chuan puh an nihna hrang hrangte a sawifiah a ni.

T Sangkunga chuan, NIAS endik turin MYC-in tumah an tirh loh thu sawiin, "Zirlai kan tirhna VTP institution ṭhenkhatte chu a ṭha lo palh a awm ang tih vènthàwn thuah LEIT department leh MYC aiawhte'n an endik a ni. Kan mi tirhte chuan hemi pah hian NIAS an endik thu hi an sawi a, a hma zawngin kan lo hre ve miah lo," a ti.

Tun thlengin NIAS awmna a la hriat loh thu sawiin T Sangkung­a chuan, "NIAS nena thawh­dunna tihtawpna MYC siam a ni. Kan hriat lohin telh kan ni a, kan hriat loa telh kan nih miau avang­in MoU-in termination siam dawnin thla khat hmaa notice pek phût mahse kan ti duh lo," a ti a; an hriat loha telh an nih avangin mawh an phurh theih loh thu a sawi.