Council of Minister an ṭhukhawm
Nimin khan chief minister Zoramthanga hoin Chief Minister's Office (CMO)-a Cabinet room-ah Council of Ministers an ṭhu a; sorkar department hrang hrang aṭanga lut agenda pakua an pawm.
Council of Ministers-in an pawm zingah hian Parliamentary Affairs department aṭang lut - Mizoram Salaries, Allowances and Pension of Member of the Legislative Assemble (Eighth Amendment) Bill, 2020 leh Mizoram Legislative Assembly (Grant of loans and advances to members) (Fifth Amendment) Rules, 2020 a tel.
Vanglaini thu dawn danin, bill leh rules siamṭhatna Cabinet-in a pawm tâk avang hian MLA-te chuan instalment loin, ṭum khatah loan an la thei tawh dawn a, loan an lâk dawnin dahkham an dah a ngai tawh dawn lo. MLA-te chuan loan chu MLA an nih chhunga an rulh zawh hman loh pawhin an pension hlawh aṭangin an rûl tur a ni. Danah chuan, MLA-te an thih chuan an loan lâk, la rulh loh chu thaibo tura tih a nih tho avangin, dahkham an dah kher hian awmzia a nei loa ngaih a ni.
Cabinet-in an pawmte
• Mizoram Salaries, Allowances and Pension of Member of the Legislative Assemble (Eighth Amendment) Bill, 2020
• Mizoram Legislative Assembly (Grant of loans and advances to members) (Fifth Amendment) Rules, 2020
• The Mizoram (Containment and Prevention of Covid-19) Ordinance, 2020 siamṭhatna
• Mizoram Secretariat-a officer post dan kalphung leh, chak leh samkhai zawka file kal dan siamṭhat theih nan level jumping of file kalpui tura rawtna
• Amendment of the Mizoram Drug Treatment cum Rehabilitation Centre (TRCS) Accreditation Rules, 2019
• Proposal for Enactment of Mizoram Motor Accidents Claims Tribunal Rules, 2020
• Mizoram Fiscal Responsibility and Budget Management Act, 2006 chu siamṭhat nan Mizoram Fiscal Reponsibility and Budget Management (Fifth Amendment) Bill, 2020 introduce tura rawtna
• Court Fees (Mizoram Amendment) Bill, 2020 introduce tura rawtna
• Swachh Bharat Mission (Grameen) Phase-II chu ruahman anga kalpui theih nan state share a hun taka pe chhuak tura rawtna