World No Tobacco Day hmang

Nimin khan National Tobacco Control Prog­ramme leh National Health Mission, Mizoram ṭangkawp buatsaihin Taxation audi­torium-ah World No Tobacco Day hman a ni a, Health minister Dr R Lalthangliana'n a hmanpui.

Health Minister chuan, World No Tobacco Day-ah taksa hriselna leh environment hrisel pawi­mawhna mipuiin hre thar se a duh thu sawiin, "Dam rei kan duh chuan hrisel a ngai a, hrisel tur chuan zûk leh hmuamah kan insûm theih a ngai. Mipuiah meizial leh a kaihhnawihin a ngawng thil hrang hrangah uar leh zualin inzirtirna kalpui ni se," a ti.

Khualzahawm Health & Family Welfare Board vice chairman Dr ZR Thiamsanga, MLA pawhin thu sawiin, vaihlo leh a kaihhnawihin mihring taksa bakah environment thleng­in a tihchhiat thu a sawi.

World No Tobacco Day hi May 31 ni mah se, nimin khan hman a ni a, thupui chu, 'Tobacco: Threat to our environment' tih a ni.