Grape buaipuitute hmaah MNF sorkar a ding zel dawn - Thiamsanga

Champhai North bialtu MLA Dr ZR Thiam­sanga chuan, grape chíngtute leh buaipuitute hmaah MNF sorkar a ding zel dawn nia sawiin, thlaphâng lo turin grape chíngtute a ngen.

Nimina Mizo Hnam Runa inkhawmah thu sawiin MNF adviser ZR Thiamsanga chuan, "Cham­phai leh Hnahlan lama grape chíngtute'n an thawh hlawh an seng ngei theih nan MNF sorkar hian an hmakhua a ngai hle. Tunah hian grape chíngtute tan ruahmanna ṭha tak kalpui mek a ni a, grape chíngtute thlaphâng lo turin ka ngen a che u. Grape chíngtute leh buaipuitute hmaah MNF sorkar a ding zel dawn," a ti.