Sial vulh punna tur hawng

AH&Vety Farm, Thenzawla sial pa chi ṭha vulh punna tur (mithun shed farm) chu nimin khan AH&Vety minister Dr K Beichhua'n a hawng a; a bul ṭantute chungah lawmthu a sawi.

AH&Vety Minister chuan sial vulhtute'n hlawh­tlinna sang tak an hmuh theihna atana a pa chi ṭha vulh punna hmun tur an hawng thei ta chu lawmawm a tih thu sawiin, "Rah duhawm tak a chhuah ngei ka ring tlat a ni," a ti a, an thil hawn tak chu sorkar hmasain hma a lo lak ṭan tawh a nih avangin, bul lo ṭantute chung­ah a lawmthu a sawi.

Thenzawla sial vulh punna tur hawn tak hi NEDP project hnuaiah cheng nuai 300 sénga sak a ni a, ran in pathum - a note leh ṭhanglai in, a pa in leh a pui in a awm hrang. Ran in pakhatah hian ran 20 vel zel an leng a, tunah hian a pa pakhat leh a nu paruk a awm mek.