Minister-in Thingsulthliah HSS a hmanpui

Thingsulthliah Higher Secondary School chuan nimin khan kumin HSSLC exam-a an zirlai pass-te chawimawina leh zirlai lut tharte lawmna hun an sikulah an hmang a, minister R Lalzirliana, bialtu MLA-in a hmanpui.

R Lalzirliana chuan, zirlaite chu tun aṭanga nih tum nei a, thutlukna felfai tak siama inzir turin a chah a, "Lehkhabu ṭha chhiar taimak a ṭul a, in zirna pui turin tunlai thiamna chhawr ṭangkai ang che u," a ti a, tumruhna leh tawrhchhelna nen theihtawp chhuah zel turin a fuih.

Thingsulthliah HSS hi kum 2004-ah din a ni a, zirtirtu 12 an awm mek. Minister R Lalzirliana hian zirtirtu indaih lohna chhâwk zângkhai turin thla tin zirtirtu hlawh Rs 20,000 a thawh a; classroom panna kailàwn siamna tur Rs 1,50,000 leh generator 1.5 KVA a pe leh dawn bawk a ni.