Fangrual ṭawngṭai beihpui

Zoram Thar Zofate Lairelna Inpui hruaitute chuan nimin khan Aizawl Press Club-ah thuthar thehdarhtute an kâwm a, June 14-18, 2022 chhungin Serchhipah 'Pathian lal ram tan fangrual ṭawngṭai beihpui' an buatsaih dawn tih an puang.

Zoram Thar hruaitu Rev.Dr Zaichhawna Hlawndo chuan, fangrual ṭawngṭai beihpuiah hian ministry ṭhenkhatin an ṭawiawm dawn niin a sawi a, "Khawlai fangin in tinah Pathian lal ram a thlen nan te, mipuite thlarau, rilru leh taksa damna atan kan ṭawngṭai dawn," a ti. Kum 2023-a Mizoram inthlanpuiah party sorkar ni lo, Pathian lal ram sorkar a din tawh ngei an beisei thu a sawi bawk.