Sorkar P/S-ah Hindi zirna kalpui duh

Mizo Hindi Zirlai Pawl (MHZP) chuan, School Education minister Lalchhandama Ralte hmalakna azara CSS hnuaia Hindi zirtirtu 806 lak thar a ni leh ta chu lawmawm an tih thu an tarlang a; chutih rualin, sorkar primary school-ah Hindi zirna kalpui a ni lo chu pawi an tih thu an sawi.

MHZP chuan, sorkar sikul P/S aṭanga Hindi zir a nih leh theih nan leh Hindi teacher post siam leh a nih theih nan Education Minister-ah ziakin ngenna an thlen tih sawiin, "P/S-ah Hindi zirtirtu dah a nih leh theih nan central-ah hmalak mek a nih thu leh relaxation pawh a theih ang anga en zui zel a nih thu a sawi," an ti a, a hlawhtlin ngei an beisei thu an tarlang.

CSS Hindi teacher atana lak zingah mahni post-a awm ṭha duh lo, aikal la lui an awm tih hriat a nih thu sawiin MHZP chuan, mahni post-a awm turin Hindi zirtirtute an ngen a ni.