Vishal kan zir chiang dawn - CYMA

Central YMA executive committee nimina CYMA pisa-a ṭhukhawm chuan Vishal Mega Mart, Bawngkawna hawn a nih dan zir chian ni se, an ti.

CYMA chuan Vishal hawn a nih theihna atana franchise agreement leh sorkar aṭanga phalna an neih theih danah thil fel lo tam tak a awm nia hriat a nih thu sawiin, "Vishal dawr hawn a nih theih nana a kaihhnawih, Mizoram sorkar hnuaia department ṭhenkhatte hi a ṭul anga zir chiangin hmalak tum a ni," an ti.

Mizorama sumdawngte chu ram leh hnam humhalhna kawnga hmalakna pakhat atan leh hnamdang sumdawngte an lo luh lohna turin mipuite tan an thil zawrhte a tlawm thei ang bera zuar/hralh ṭhin turin CYMA chuan an ngen a, Mizoram sorkar chu Vishal hawn boruak aṭang hian ram leh hnam tana trading regulation mumal tak neih a ṭul zia hriaa hmala turin an phut thung.