NLUP hnuaiah auto-rickshaw sem a ni
Commerce & Industries department chuan, nimin khan Vanapa Hall kawtah NLUP hnuaia auto-rickshaw sem inkhawm an buatsaih a, chief minister Lal Thanhawla'n a hmanpui.
Chief Minister chuan, NLUP hlawhtlinpui mi tam tak an awm mek tih sawiin, "Dikna, taimakna leh Pathian ṭihna nung nena dawngte chuan an ṭangkaipui hle a, eizawnna kawng hrang hrangah Mizoram dung leh vangah an din chhuahpui mek a ni. Heng mi hlawhtling leh mi taimate hian Mizo hming an ti ṭha a, NLUP dawngtu zelthel zawnga kalpuite chu ṭanpui leh ngaihna a awm lo," a ti.
Auto-rickshaw hi mi 85 hnenah pek an ni a; a dawngtute chu Aizawl district aṭangin mi 23, Lunglei district aṭangin mi 27, Champhai district aṭangin mi 17, Kolasib district aṭangin mi pariat, Serchhip district aṭangin mi pariat leh Siaha district aṭangin mi 24 an ni. Auto-rickshaw dawngtute hi Mizo High School field-ah thil pawimawh hrang hrang hrilhfiah nghal an ni bawk.
Auto-rickshaw sem tâk hi pakhat Rs. 1,22,000 man a ni a, four stroke, 199.26 cc a ni.