Advertisment chhuah loin Home dept.-in mi 361 an la

Home minister R Lalzirliana chuan Lalruatkima zawhna ziaka chhangin, Home department hnuaiah kum 2011-2016 chhungin advertisment chhuah loin thawktu mi 361 lak a nih thu a tarlang.

Home Minister tarlan danin, advertisment chhuah loa lakte chu Police-ah mi 265, Prison-ah mi 77 leh Fire & Emergency Service-ah mi 19 an ni.

Police-a advertisment chhuah loa lakte chu infiamna lama theihna bik nei te, computer leh a kaihhnawih thiam bik te, hel beihnaa sorkar puitu te, Zokhawthiang daia HPC(D)-te'n MLA-te an lambunaa police thite compassionate appointment pekte leh department mamawhna vanga hmanhmawh taka lakte an ni.

Prison department hnuaia advertisment chhuah loa lakte chu - muster roll regularization, contract regularization leh compossionate appointment-a lak an ni a; advertisment chhuah loa lak an ni hlawm.

Fire & Emergency Service hnuaia lakte chu thawktu indaih lohna vanga lak an ni bawk.