Medical college atan cheng vbc. 40 hmu
Health minister Lal Thanzara chuan MNF member Dr K Beichhua zawhna chhangin, Mizorama medical college dinna atan sorkar laipui aṭangin cheng vbc. 40 dawn a nih tawh thu House a hrilh.
Health Minister sawi danin, medical college din a la nih loh chhante chu - building sak ngai turte leh chei ṭhat ngaite zawh a la nih loh vang te, hna thawktu tur laka dah fel kim a la nih loh vang te, hmanrua leh bungraw chi hrang hrang awm tur la dah kim loh vangte leh, Medical Council of India-in damlo OPD-ah ni tin 400 tal en tura a bithliah tlin a la nih loh vangte a ni.
MPC member Lalthanliana zawhna chhangin Lal Thanzara chuan, medical college atan hian state matching share cheng vbc. 5.56 pek chhuah a nih tawh thu a sawi.
Health Minister tarlan danin, medical college atan hian post chi hrang hrang 190 lak DPAR-in a phal tawh a, Medical Council of India duh dan a phak loh avangin dil belh mek a ni. Hmanraw mamawh hmasa zualpui chu lei tura hmalak mek niin, main building zawm hna chu 90% zawh a ni tawh.