SEDP dawng tura rawtte zir chiang

Khawzawl District SEDP Committee chu an chairman CC Lalchhuangkima, district bawrhsap hoin June 10, 2022 khan DC conference hall-ah an ṭhukhawm a, Tuichang biala khua 24-a SEDP dawng tura rawtte an thlirho.

CC Lalchhuangkima chuan, SEDP chu chhungkaw tinzâwna duan a nih angin chhungkaw tam tak tan hmasawnna a thlen ngei a beisei thu a sawi a, ”Dik taka a nihna ang takin mipuiin an hman a ngai. District thar nimah ila district upa zawkte tana entawn tlak, felfai leh belhchian dawlin department-te’n kalpui ang che u,” a ti.

Ṭhutkhawmah hian Tuichang Assembly Constituency chhunga khua 24-a Village SEDP Committee-te’n form-2 hmanga SEDP dawng tura rawtna an neihte zirchian a ni a; ṭanpuina dawng tur mi 1,500 thlan niin, form-3 hmangin SEDP Executive Board-ah thehluh a ni ang.