Pawngsualtu kum 20 táng turin hrem

Hmeichhe naupang pawngsualtu Lalchuang­liana s/o Zamliana (L), New Siaha chu Court-in kum 20 chhung táng tur leh pawisa chawi turin a hrem.

Siaha aṭanga thu dawn danin, Lalchuangliana thu­buaia thutlukna chu Siaha Fast Tract Court judge Dr HTC Lalrin­chhana'n March 28, 2017 khan a tichhuak a; Lalchuangliana chu POCSO Act hmanga thiam loh chantirin, kum 20 chhung táng tur leh Rs. 3,000 chawi turin a hrem a, pawisa hi a chawi loh chuan thla hnih dang tàn belh turin a ti bawk.

Siaha Fast Tract Court hian March 28 vêk khan Thethe-a s/o Ngohause, New Siaha pawh hmeichhe naupang khuaikhem thubuaiah thiam loh a chantir a; kum li chhung jail-a táng tur leh Rs. 2,000 chawi turin a ti a, pawisa a chawi loh chuan ni 20 dang tàn belh turin a hrem a ni.