MPF leh GAC-in sorkar ṭha zirho

Mizoram People Forum (MPF) leh Govt. Aizawl College (GAC) zirlai leh zirtirtute chuan, nimin khan Synod confe­rence centre-ah political education leh good gover­nance principle pariat hmangin seminar an buatsaih.

Seminar hi MPF vice president Upa Lalbiak­zuala'n a kaihruai a, GAC vice principle H Rosema'n MPF hmalak dan a sawi.

MPF general secretary Rev.Dr. R Lalbiakmawia'n good governance principle pariat hmangin inthlanna thianghlim neih theihna turin ṭan lak a pawimawh zia te, sorkar inrelbawlna ṭha neih a pawimawhzia te, college ṭha neih theih nan inrelbawlna ṭha neih a pawimawh ziate leh, thawh­hona ṭha neih chuan Mizoram chu rei lo te chhungin model state-a siam theih a rin thute a sawi.