Khehpuam kawltu hrem

Excise & Narcotics department-in May 17, 2015-a khehpuam (Pseudoephedrine) mûm 2,30,000 kawl vanga an man, Lalṭhuama (47) s/o Rochhuma (L), Tuikual 'C' Mual chu Court-in kum li chhung tang tur leh Rs. 25,000 chawi turin a hrem.

Excise & Narcotics department tarlan danin, Lalṭhuama hi Aizawl district Special Court (NDPS Act) Judge chuan October 27, 2016 khan thiam loh a lo chantir tawh a; Lalṭhuam­a hian Gauhati High Court-ah a zualko (appeal) avang­in Gauhati HC chuan Special Court chu case leh hremna ennawn turin thu a pe. Special Court (NDPS Act) Judge chuan case a ennawn leh hnuah March 24, 2017 khan thutlukna siamin, Lalṭhuama chu kum li táng tur leh Rs. 25,000 chawi turin a hrem ta a ni.