Kolkata Mizoram House sak ṭhat tum

GAD changtu chief minister Lal Thanhawla chuan Mizoram House, Ballygunge, Kolkata-a mi chu building a hlui tawh avangin sak ṭhat tum mek a nih thu, MNF member Lalruatkima zawhna chhangin House a hrilh.

CM Lal Thanhawla chuan, Ballygunge, Kol-kata-a Mizoram House chanchin sawiin, “Fûr lo thleng tur pawh kan huphurh hle. A tlûk palh chuan sorkar a mualpho dawn si a, a sak ṭhatna tur sum ngaihtuah mek a ni,” a ti.

Chief Minister sawi danin, Ballygunge-a Mizoram House hi sak ṭhat dan turah thutlukna siam a la ni lo a, private developer hnena pek aiin, Mizoram sorkarin a sak ṭhat mai chu ngaihtuahnaah a awm a ni.