Champhai DC hmun hlui department leh pawl pe

GAD changtu chief minister Lal Thanhawla chuan, Champhai DC hmun hlui ram ṭhenkhat chu sorkar department leh pawl ṭhenkhat hnenah pek a nih thu, MNF member Lalruatkima zawhna chhangin House a hrilh.

Lalruatkima'n Champhai South Block Congress President hminga ram pek a awm thu a sawi chungchangah Chief Minister chuan, "Ram pekna hi DC complex hlui páwn lam a ni a, FCSCA quarters hlui tawh tak pahnih a awm a, land lease pawh a awm lo. Pawl hrang hrangin an dil a, lilàm a ni. Group 1 leh 2-a ṭhen niin, pakhat chu Champhai South Block Congress President-in a chang a ni," a ti.

Hetih lai hian, Lalruatkima chuan FCSCA quarters hmun hlui chu land lease a nih thu a sawi thung a; land lease copy pawh House-ah hian a lek chhuak a ni.

Champhai South Block Congress President hminga ram pek dodal a nih chungchangah Lal Thanhawla chuan, "NGO Coordination-te hi anti-Congress an ni a, chumi avang chuan an object mai mai a ni," a ti a; FCSCA quarters awmna chu tu ram mah a nih loh avangin awt a tam a, a chang lote pawhin an awh vek tur thu a sawi.