Lawngtlai DC-in khaw dinhmun enfiah

Lawngtlai DC Dr A Muthamma chuan, March 27-28, 2017 khan an district chhunga khawtlang lam biala khaw ṭhenkhat a tlawh a, an dinhmun a enfiah.

Dr A Muthamma chuan, Lawngtlai district-ah a bik takin, khawthlang bial hmasawnna atan sorkar hnathawkte'n rilru leh ngaihtuahna sêngin, tih tak zetin hna thawk se a duh thu a sawi a, "Khawtlang hmasawn nan a mi chengte rilru buatsaih hmasak a ṭul. Changkanna chu hmun kilkhawr bera mite paw'n an ban phakah a awm tur a ni," a ti.

Lawngtlai DC hian Bungtlang South, M. Kawnpui, Saibawh, Vaseikai, Longpuighat, Chhotaguisury, Chamdur P-I, Chamdur P-II, Chamdurtlang, Mautlang leh Tuichawngtlangte a tlawh a; anganwadi centre, sikul, tui leh kawlphetha dinhmun leh inkalpawhna kawng leh inbiak pawhna dinhmunte a enfiah a ni.