MNF-in báng turin CM phût

MNF party chuan, chief minister Lal Thanhawla'n Mizoram Building & Others Construction Welfare Board (MBOCWWB) sum cheng vbc. 46 hmuh tawh chungchangah a awm ve tih a hriat loh thu a sawi chu zahthlak an tih thu an tarlang a; hei vang hian ram hruaitu ni tlaka an ngaih loh thu sawiin, báng turin an phût.

MNF thuchhuah chuan, "March 27, 2017-a Assembly House-a MNF MLA palite zawhna inṭâwm CM Pu Lal Thanhawla’n a chhannaah, MBOCWWB fund cheng vbc. 46 hmuh tawh chungchang a awm ve tih a hriat loh thu a sawi kha a zahthlakin ram hruaitu ni tlak loah kan ngai a, mahni mawhphurhna hre lo lutuk CM hi báng turin kan phût a ni," a ti.

Ram hruaitu lu berin kut hnathawktute tuamhlawmna tura ruahmanna fel tak hre loa a awm thei chu thil zahthlak tàwpkhâwka an ngaih thu an sawi a; MNF an sorkar hunah chuan labour-te'n an chanvo dik tak an chan theih nan te, kut hnathawktute hamṭhatna hrang hrang leh an din khawchhuah theih nan nasa taka hma an lak dawn thu an sawi bawk.