Zirlai lawmpuina Minister-in a hmanpui

Mizo Zirlai Pawl headquarters, Kolasib chuan nimin khan Kolasib Venglai Parish Hall-ah kumin HSLC leh HSSLC-a zirlai ti ṭhate chawimawina hun an hmang a, bialtu MLA K Lalrinliana, minister of state-in a hmanpui. Zirlai 130 hnenah chawimawina hlan a ni.

K Lalrinliana chuan, board exam result chhuaka zirlai pass-te a lawmpui thu sawiin, "Sorkar hnaah chauh innghat lo u la, ram hmasawnna tur leh mahni intun dinna khawp thiam nei turin zir zel ang che u," a ti a; ei leh barah intodelh tura ṭan lak a pawimawh thu a sawi.

Central service-ah Mizo inziak tling an tlem thu sawiin Minister chuan, "Tun aṭangin tum chiang tak neih leh mumal taka inbuatsaih a ṭul. Zirnaa ramin hma a sawn theihna tur chuan nu leh pa leh khawtlang mipui an pawimawh," a ti.