Lungleiah SEDP sawiho a ni

Lunglei District SEDP Committee chu an chairman Kulothungan A, DC hoin nimin khan DC conference hall-ah an ṭhukhawm a, Lunglei district-a MLA bial paruka SEDP thawh khatna dawng tura rawt chhungkaw 1,500-te an sawiho.

Lunglei DC chuan SEDP chu chhungkaw tinzawna duan a nih angin chhungkaw tam tak tan hmasawnna a thlen ngei a beisei thu sawiin, district dangte entawn tlaka SEDP ti hlawhtling ber district ni tura felfai leh belhchian dawl taka kalpui ṭheuh turin department hrang hrang-te leh District Level Committee Member-te a chah.

Meeting ah hian Lunglei district-a Assembly constituency paruk huam Village Level SEDP Committee member-ten an huam chhung ṭheuha SEDP dawng tur chhungkaw thlanchhuahte pawm niin, constituency tinah beneficiary chhungkaw 1500 ṭheuh thlan chhuah an ni. Heng mite hming hi SEDP Executive Board-ah thehluh a ni ang.