CYMA-in ṭanpuina sem

Central YMA chuan, naktuka YMA Day lo thleng tur pualin Mizo­rama home/centre 18-ah Rs 1,20,000 an sem a; kumin fûr laia chhiatna thleng palh thei laka inruahman lâwkna atan YMA sub-headquarters pathum hnenah Rs 7,50,000 sem chhuah a tum bawk.

Fûrpui atana inrua­hman lâwk nan CYMA chuan an remchan dan anga sum thawh khawm turin YMA sub-headquarters, group leh branch-te a ngen a, chumi ang chuan June 9, 2022 thleng khan Rs 10,30,905 an dawng tawh a ni.

YMA sub-headquar­ters, group leh branch aṭanga sum dawn khawm zinga Rs 7,50,000 chu CYMA chuan YMA Day puala pek chhuah a rêl a; sub-hqrs pathum - Kolasib-ah Rs 5,00,000, Saitual (Phuaibuang branch)-ah Rs 2,00,000 leh Khawzawl (Puilo branch)-ah Rs 50,000 pek turin a ti a ni.