Chite lui humhalh sawiho

Zoram Research Foun­dation (ZoRF) hotute chuan nimin khan Raj Bhavan-ah governor Lt. Gen. Nirbhay Sharma an kâwm a, Chite lui humhalh leh a hma anga siamṭhat leh nana an hmalak tum dante an sawipui.

Governor chuan, ZoRF thil tum chu a thlâwp zawng leh a phûr­pui zawng tak a nih thu sawiin, "Tuna Chite lui dinhmun enin, ngaiawh tura siamṭhat leh chu thil tih theih a la niin ka hria. He mi hlawhtlin nan mipuite zau taka zirtir a pawimawh hmasa a, sorkar, kohhran leh tlawmngai pawlte nena thawhho a ngai," a ti a; ZoRF hruaitute chu thawhho dan tur ngaihtuahtu tur core committee din turin a ràwn a ni.

India ram chhung hmun danga cheng tam takte'n khawpui tibawlhhlawhin, a tihfaina hna chu sorkar tih turah an dah ṭhin thu sawiin Larsap chuan, "Mizo mipuite hi faina kawngah hmun dang tam takte aiin an changkang zawkin ka hria," a ti.

ZoRF hruaitute chuan, an kalpui tum ‘Chite Lui Restoration Programme’ chu hun eng emaw chen an rel tawh a, sorkar hotu­te bakah, zirna in leh tlawm­ngai pawl hrang hrangte pawh an dàwr tawh thu Governor an hrilh a ni.