KHAWTHLIR

Birth certifcate
Planning minister Lalsawta chuan MNF member Lalruatkima zawhna chhangin, kum 2012-2015 chhungin hnam dang 31 hnenah birth certifcate pek an nih thu a tarlang. Lalsawta chuan, Indian Constitution-in India khua leh tui ni tura a phût angte an tihlawhtling a nih chuan birth certifcate pek chu India khua leh tuiah chhiar theih an nih thu House a hrilh.

MZU-ah seminar
Mizoram University-a Department of Botany leh sorkar laipuia Ministry of Environment, Forest and Climate Change hnuaia National Biodiversity Authority-te chuan, nimin khan MZU-ah ni hnih awh tur 'Biodiversity, Conservation and Utilization of Natural Resources with Special Reference to Northeast India' tih thupui zirhona an buatsaih. Seminar-ah hian mi 56-in paper an present dawn a ni.

MZU tlawh
Export-Import Bank of India, Mumbai-a chief general manager David Sinate chuan nimin khan Mizoram University a tlawh a; vice chancellor Prof. H Lianzela leh hotu dangte nen inkâwmin, EXIM Bank leh MZU thawhho theih dan tur bakah, sum leh pai leh lawmman chungchang te, seminar leh research laboratory chungchangte an sawiho.

Mi vit hlum
Nimin zing dar 6 vel khan Rosangliana (23) s/o Rohmingthanga, Lunglei Salem Veng chuan Sangziki c/o Rohmingthanga Sailo, Lunglei Salem chu chemtein a vit hlum. Rosangliana hian Sangziki hi a zing ṭawng-
ṭai inkhawm báng a vit a, a vih chhan hriat a ni lo. Rosangliana hi police-in an man tawh a ni.

E.Roll tlangzarh
Siaha DC Harleen Kaur chuan nimin khan Mara Autonomous DIstrict Council (MADC) inthlannaa hman tur final electoral roll a tlangzarh. Electoral roll tlangzarh takah hian MADC huam chhunga constituency 25-ah voter mipa 37,092 leh hmeichhia 19,289, an vaiin mi 56,381 an awm a ni.