Ration chini sem tumna a awm lo

Food Civil Supply & Consumer Affiars (FCSCA) minister John Ro­tluangliana chuan, tun dinhmunah ration chini sem leh tumna a awm rih loh thu House a hrilh.

MNF member Lal­rinawma leh Lalruatkima te zawhna inṭâwm chhangin FCSCA Minister chuan, ration chini chu January 2014 aṭangin retailer kaltlangin mipuiah sem a ni tawh lo tih a sawi a, "Kum 2013 bul lamah sorkar laipuiin susidy-a chini min rawn pek ṭhin chuan open market-a leia per kg.-ah Rs. 18.50 a tum bak state-in tum ve tawh tur leh kg. khat Rs. 13.50 aia sang loa hralh turin order a chhuah a ni. Hemi atana state sum hman tur a tam deuh avangin December 2013 thleng bak sem zui a ni lo," a ti.

Lalruatkima'n ration chini chu June 2014-ah pawh sem a la nih thu a sawi chunchangah John Rotluangliana chuan, "Ration chini sem tihtawp a nihin lak khawl sa a zo vek lo a, chuvangin Aizawl East leh West DCSO-te chu an hnuaia retailer-te semtir tura tih a ni," a ti a; chini bâng chu a tam tham loh avang leh a phurhna manahte chawi a tam lohna atan tiral turin Aizawl East leh West DCSO thlan a nih thu a sawi.