Mizoram leh Assam ramri véng tura inpete Kolasib-ah vai liam

Kolasib District Bor­der Safety Monitoring Team hnuaia ramri veng tura inpe - Kolasib-a Project Veng leh Gosen Veng branch YMA member-te chu nimin khan Kola­sib additional DC Lallawmawma'n DC pisa tual aṭangin a vai liam.

Lallawmawma chuan, YMA member-te chu an duty-na hmunah fimkhur tura chahin, tluang taka an haw leh theih nan duhsakna a hlan a, "Ramria duty lo hawte tan DC office leh district hospital-ah medical check-up buatsaih a ni dawn," a ti.

Ramri veng tura nimina chhuakte hi Project Veng YMA member 11 leh Gosen Veng YMA member 10 an ni a; Phaisenah chawlhkar khat chhung ramri an veng dawn a ni.