YMA Day vawi 88-na Mizoram pumah lawm a ni dawn

Vawiin, June 15 hi Young Mizo Association (YMA) din champha vawi 87-na leh YMA Day vawi 88-na a ni a; Covid-19 léng avanga kum hnih chhung lawm theih a nih loh hnuah vawiinah chuan YMA branch hrang hrangte'n uar takin an lawm dawn.

YMA Day lo thleng tur pualin branch hrang hrangte chuan a lawmna hun kawng hrang hrangin an hmang tawh a, vawiinah a lawmna pui ber an hmang hlawm ang.

YMA Day-ah hian branch tam tak chuan zing karah khua/veng chhung thenfai hnatlang an nei dawn a, chhûna hnatlang nei tur pawh an awm. Chhun leh zanah intihhlimna hun te, intihsiaknate an nei dawn a, ruai nena lawm tur an awm bawk.

YMA Day hi Central YMA hruaitute chuan hmun hrang hrangah an hmanpui dawn a ni.